Pagpapatuloy sa pagtalakay sa buhay ni Crisostomo Ibarra

       Sa unang araw nang pagtuturo ng aming guro sa linggong ito ay binalikan at nilinaw niya ang mga iniulat ng bawat grupo noong nakaraang linggo.Ibinigay niya ang mga iuulat ng bawat grupo na may kinalaman sa buhay ni Crisostomo Ibarra bilang isang anak,mangingibig at iba pa.Nagulat ang ilan kabilang na ako  na ang iniatas  niya ay iuulat pala  sa araw na ito.Sa loob ng sampung minuto ay itinapos namin ito ngunit  ang bawat isa sa aming grupo ay hindi handa.Mabuti na lamang ay sinabi ng aming guro  na ang ginawa naming movie trailer ay ipapanood na lamang.
       Sa sumunod na araw,nag-ulat ang pangkat apat at tatlo ngunit ang dalawang grupo ay hindi na nagkaroon ng oportunidad na magpresenta pa.Sa kadahilanang ipapanood  sa amin ang pelikulang Andres Bonifacio na siya rin namang gagawan ng sanaysay ng mga manunulat.
        Sa huling araw ay nagpresenta na ang dalawang grupo.Sa kabilang banda,ang bawat kabanata na may kinalaman sa buhay ng nasabing tauhan ay muling tinalakay .Nagbigay ng  ilang katanungan ang aming guro.Kabilang na nga rito ay kung tunay nga bang mangingibig at biktima nga lang ba ng pagkakataon si Ibarra sa nobela.Ang pangalawang katanungan ay nakakalito sa aken kaya hindi na akong nagtangka pang magtaas ng kamay.Ngunit sadya ngang nakakalito ang tanong na ito dahil maging ang mga kaklase ko ay hidi rin ito masagot.

Ang buong linggo para kay Crisostomo Ibarra...

     Upang masagutan namin ang  katanungang iniwan sa amin ng aming guro na kung tama lang bang pinatakas si Crisostomo Ibarra sa kabila ng tinutugis siya ay ipinagpatuloy ng tatlong grupo ang pag-uulat sa ilang kabanata ng nobela na may kinalaman sa katauhan ng pangunahing bida.
    Halos buong linggong ito ay nag-ulat lamang ang bawat grupo at ang ibang bahagi rin ng kanilang inuulat ay pinapaliwanag rin ng aming guro nang maayos.Ang bawat  pangyayari sa nobelang aming pinag-aaralan ngayon ay naging malinaw na sa akin.At ang tanong na ito ay magagawan ko na ng konklusyon.
     Samantala, noong Byernes ay sinantabi muna namin ang Noli Me Tangere.Gumawa kami ng liham para isang tao na nais naming sulatan.Sa gawaing ito,isang tao ang inilayan ko ng aking sulat para sa Araw ng mga Puso.

Ikaapat na linggo...

     Sa linggong ito nakatakdang isagawa namin ang aming produkto na 'Parade of Characters'.Iniatas sa akin ng namumuno sa aming pangkat na maging Donya Victorina.Nung una,inayawan ko ito pero tinanggap ko na din para sa kapakanan ng aming grupo.Hindi inaasahan ang ilang ginawa ni VigillaMatapos ang lahat  ay magpresenta sa harap,pinuri niya kami at tinama ang ilang pagkakamali.Sa sumunod na araw binalikan namin ang mga katauhan sa Noli Me Tangere.Inanunsyo ng aming guro na ang bawat grupo ay maguulat ng mga kabanata na naatas sa kanila.Nag-ulat ang unang pangkat at ipinaliwanag ang mga nilalaman nito namay kinalaman sa buhay ni Crisostomo Ibarra.  

Repleksyon...

    Maraming aral,payo at kaalaman akong natutunan ngayong linggong ito mula sa guro namin sa Filipino at Ingles..Marahil sa linggong ito,nakasama ko sila sa laban sa loob ng apat na araw at tatlong gabi.
    Una na nga riyan ay huwag mawalan ng kompyansa sa sarili sa oras ng laban na kahit alam mo ng magagaling ang mga katunggali mo at dehado kana.Ayon nga kay Gng.Morales na ang panalangin ang isa sa magiging sandata mo sa pagharap sa mga problema at maging sa mga paligsahan.At base na rin kay Gng.Mixto na ano ang silbi ng kasaysayan kung hahayaan mo lamang na sila ang laging gagawa ng kasaysayan.
    Sa aming pagbabalik sa Antipolo,maraming mga bagay akon `namiss` sa Lipa .Kabilang na nga riyan ang mga taong nakasalamuha ko  sa loob ng tatlong apat na araw,pagpila para sa pagkuha ng pagkain,masasarap na pagkain,pakikiligo kung saan-saang klasrum at higit sa lahat ang magandang pag-uugali ng mga Batangueno.
    Ngunit ang lahat ng ito'y magiging magandang alaala na lamang at ang pagbalik namin sa Antipolo ay nangangahulugang balik normal na ang lahat.Sa loob ng dalawang araw ng aming klase,pagbabalik  aral lang ang ginawa ng aming guro at ilang paalala.

Ikaapat na Markahan

   Sa linggong ito natapos na ang aming ikatlong markahan.Kung aking ipagkukumpara ang pagsusulit noong nakaraang markahan,masasabi kong mas madali ngayon kaysa noong nakaraang markahan.
   Sa linggo ring ito,pinasimulan ni Gng.Mixto ang aming talakayan tunkol sa Noli Me Tangere.At sinabi na rin niya ang mga gagawin naming produkto sa ikaapat na markahan.Higit na mas mahirap ang mga proyekto namin ngayon.

Repleksyon

    Ito ang unang linggo ng aming pasukan  ngayong taon. Sa unang araw ng aming talakayan,ipinakilala sa amin ni Gng. Mixto ang aralin apat na kung saan ang Saudi Arabia at Israel ang aming bibisitahin.

    Nagbalik aral kami sa  mga tinalakay noong nakaraang taon bagamat wala ako noon.At nagbalik aral rin kami sa sanaysay.Naatasan rin kami na manood ng isang dokyumentaryo at sagutin ang mga tanong na ibinigay ng aming guro.

   Ang isa sa mga napanood kong dokyumentaryo ay Ang mga Dalagita sa Sapang Kawayan.

Ang dokyumentaryong ito ay tumatalakay sa pagbubuntis ng mga dalaga ng maaga sa isala ng Sapang Kawayan.Habang pinapanood ko ito,hindi ko alam ang magiging reaksyon ko sa mga nalaman ko at mga dahilan na binigay ng mga dalaga.Naiinis na naaawa ako sa kanila dahil sa murang edad pa lamang nila ay  nagkakaanak na sila .At nakakainis din dahil ang mga dahilan ng mga kabataan ay hindi sapat na dahilan para sa maagang pagbubuntis.Higit sa lahat,naiinis ako sa mga mentalidad ng mga tao sa lugar na ito na kung saan kapag hindi kapa nagkaanak sa edad na 18 ay naiiwanan kana ng byahe at sa mga mgulang naman kapag 40 dapat may apo kana.Ngunit hindi korin naman masisisi ang mga tao dito dahil kung tutuusin ang gobyerno rin ang  may kakulangan sa lugar na ito.

    Tinalakay rin namin ang pangangatwiran ,pamaksang pangungusap at pantulong na pangungusap.

Ngayong linggong ito...

            Sa linggong ito ay dalawang araw na hindi nagturo si Gng.Mixto dahil sa paggawa ng dyaryo.Pinasulat lamang kami ng mga gawain.Tinalakay ni Gng.Mixto ngayong araw naito pagkakaiba ng elehiya,dalit at oda.
            Ngayong linggong ito,napagtanto ko sa elehiya para sa kamatayan ni kuya na bagmat natalakay na namin noong nakaraang linggo na dapat mong pahalagahan at ipadama ang pagmamahal mo sa iyong minamahal sa buhay.Hindi natin alam kung kailan sila mawawala kaya habang sila ay nabubuhay pa ipadama mo na ang pagmamahal mo.Kapag hindi mo ito pinadama ngayon baka pagsisihan mo pa ito sa buong buhay mo.